Með tilkomu nýrrar göngubrúar yfir Dimmu ofarlega í Elliðaárdal og nýjum göngustíg sem hluta nýjum Arnarnesveg breytum við hlaupaleiðinni. Nú nálgumst við upprunalegu hlaupaleiðina. Með þremur nýjum göngubrúm yfir Elliðaárnar í stað lagnastokksins neðst í dalunum reiknum við síðan með að breyta leiðinni aftur seinna í vetur, en áætluð verklok við þær framkvæmdir er í desember.

 

Við byrjum þannig hlaupin í vetur (2026-2027) á eftirfarandi hátt...

Startað verður á stígnum fyrir neðan Fylkisvöllinn, við suðvestur hornið. Startið færist aðeins inná hlaupaleiðina eins og hún var í fyrra. Fyrsti hlutinn er óbreyttur eða þar til farið er yfir nýju brúnni yfir Dimmu. Frá henni er haldið beint áfram upp brekkuna í áttina að Fellahverfi. Hér höldum við okkur til hægri og beygjum í átt að Fella- og Hólakirkja. Þá er beygt til hægri inná stígin um dalinn. Héðan er stígnum fylgt alveg niður að undirgöngum undir Reykjanesbraut inní Blesugróf. Hér er beygt til vinstri (ekki til hægri inná hólmann) og farið eftir stíg sem liggur undir Bústaðaveg. Héðan er farið niður að seinni undirgöngum undir Reykjanesbraut og hlaupið tilbaka að fyrri undirgöngum. Hér er nú beygt til vinstri yfir hólmann, upp Rafstöðvarbrekkuna framhjá stíflunni og að markinu, sem er á sama stað og alltaf.

Sjá myndirnar hér fyrir neðan.

Glöggvið ykkur vel á leiðinni til að villast ekki.

Engir brautarverðir eru í brautinni frekar en áður.

​​